Hortus sanitatis, 4, 14, 5 :  Indica maria balaenas ultra spatia quattuor jugerum habent. Sed quos fascituras nuncupant, qui enormes supra molem ingentium columnarum, ultra navium antemnas se extollunt, haustosque fistulis fluctus ita eructuant ut nimbosa alluvie plerumque navigantium alveos deprimant.

D’après Sol. coll.52, 42 — Indica maria balaenas habent ultra spatia quattuor iugerum, sed et quos physeteras nuncupant, qui enormes supra molem ingentium columnarum, ultra antennas se nauium extollunt, haustosque fistulis fluctus ita eructant ut nimbosa alluuie plerumque deprimant alueos nauigantium.

Hortus sanitatis, 4, 31, 2 :  Conchae certo anni tempore luxuriante conceptu faciunt rorem velut maritum, cujus desiderio hiant : et cum maxime linquitur imber lunaris, oscitatione quadam hauriunt humorem cupitum.

D’après Sol. coll.53, 23 — Conchae sunt, in quibus hoc genus lapidum requiritur, quae certo anni tempore luxuriante conceptu sitiunt rorem velut maritum, cuius desiderio hiant ; et cum maxime liquitur lunaris imber, oscitatione quadam hauriunt umorem cupitum : sic concipiunt gravidaeque fiunt.

Hortus sanitatis, 4, 31, 3 :  Sic ergo concipiunt gravidaeque fiunt. Et de saginae qualitate redit habitus unionis. Nam si clarum fuerit quod acceperunt, candicant orbiculi ;

D’après Sol. coll.53, 24 — De saginae qualitate reddunt habitus unionum ; nam si purum fuerit quod acceperint, candicant orbiculi […].

Hortus sanitatis, 4, 31, 4 :  si vero turbidum, aut pallore languent aut rufo innubilantur. Ita de caelo magis quam de mari partus habent.

D’après Sol. coll.53, 24 — […] si turbidum, aut pallore languent aut rufo innubilantur. Ita magis de caelo quam de mari partus habent.

Hortus sanitatis, 4, 31, 5 :  Gregatim natant, et quae magis inter illas experta est gregem ducit ; quae si capta fuerit, ceterae diffugiunt.

D’après Sol. coll.53, 27 — Gregatim natant ; certus examini dux est ; illa si capta sit, etiam quae evaserint in plagas revertuntur.

Hortus sanitatis, 4, 95, 4 :  Thraciae populi marinas testudines capere gaudent. Quarum tanta est magnitudo ut superficies earum domum faciat et numerosam familiam non arcte receptat.

D’après Sol. coll.53, 20 — Marinas […] testudines capere gaudent, quarum tanta est magnitudo, ut superficies earum domum faciat et numerosam familiam non arte receptet.