Hortus sanitatis, 4, 13, 3 :  Brenna est piscis fluvialis qui, cum videt sibi lucium imminere, declinat ad caenosa, aquarum limpiditatem a tergo perturbans.

D’après AN 33 — Brenna vero hostis declinans insidias, ad loca coenosa fugit, aquarum limpiditatem quas a tergo habet perturbans, sicque delusa tyranni spe, ad alios pisces se transfert.

Hortus sanitatis, 4, 61, 4 :  Mulus bovis fimo delectatur, adeo ut in ipso jaceat et tincturam caro piscis ex fimo mutuetur.

D’après AN 31 — Mullus fimo bovis delectatur, adeo ut sic ipso diu jaceat et tincturam caro piscis ex fimo mutuetur. Sic et nonnulli obscaenis rebus et turpibus gloriantur.

Hortus sanitatis, 4, 63, 1 :  Narcos, teste Aristotele, tantae virtutis est piscis ut, mediante lino et calamo, ad manum piscatoris hamum tenentis accedat stupor et insensibilitas, immo et totum corpus stupefacit, nisi citius hamum dejiciat. Inde est quod etiam stuporifera, ut papaver et hujusmodi cetera, dicuntur narcotica.

D’après AN 44 — Narcos, piscis est tantae virtutis, ut dicit Aristoteles, quod, mediante lino et calamo, ad manum piscatoris calamum tenentis accedit stupor et insensibilitas. Immo et totum corpus obstupescet, nisi citius hamum dejiciat. Hinc est etiam quod stuporifera, ut papaver et hujusmodi, dicuntur narcotica.

Hortus sanitatis, 4, 66, 1 :  Ostreum, ut dicunt Ambrosius et Isidorus, quandoque testam aperit, ut clementioris aurae deliciis glorietur, sed cancer insidias ei repentinas praetendit et lapidem inter ejus testas projicit, ne illas conjungere possit ; et sic ostreae carnes corrodit. Ostreum siquidem in siccum vel in sicco jacens, jam, ut in domo, conchas tempore accessionis maris aperit.

D’après AN 36 — Ostreum quandoque testam aperit, ut clementioris aurae deliciis glorietur. Sed cancer ei praetendit insidias repentinas, et lapidem inter testas ostrei projicit, ne eas conjungere piscis interceptus possit.

Hortus sanitatis, 4, 67, 9 :  Perca, videns sibi lucium imminere, horret pinnis et sic evadit.

D’après AN 33 — Perca autem videns lucium sibi imminere, hirtis horret pinnis, quarum asperitate voracitatem hostis evadit.

Hortus sanitatis, 4, 79, 1 :  Salmo dicitur a saltu. Caudam enim ore replicat et reflectit, firmiter eam ore tenens, donec saltus agilitate locum etiam abruptum conscendit. Sed nec colore multum valet aut sapore antequam gustaverit mare. Ad quod tendens contra fluminis impetum <sese praeparat, et> a proposito non desistit quousque <salo> reficiatur. Deinde ad nota domicilia revertitur.

D’après AN 42 — Salmonem a saltu nomen sumpisse autumant. Caudam enim ori replicat et reflectit, firmiter eam ore tenens, dehinc saltus agilitate locum etiam abruptum conscendit. […] Sed nec coloris intensi gloria, nec saporis deliciis nobilitatur salmo, antequam marinas aquas gustaverit. Ad mare igitur tendens contra fluminis impetum sese praeparat, et a proposito non desistit, usque dum salso reficiatur. Postea ad domicilia nota revertitur victor, refectus amplius solito et longe jocundioris saporis.