Si vous souhaitez signaler des coquilles dans ce passage, vous pouvez écrire à Morgane Pica (ingénieure d'étude du projet), en précisant l'URL et le titre du passage.
DEPUIS lequel tems nous auroyent esté presentées autres lettres pûtentes du Roy, desquelles la teneur ensuit.
HENRY par la grace de Dieu Roy de France et de Polongne à nos amez et feaux maistres Iacques de Bauquemare Conseiller en nostre Conseil priué, et premier president en noz stre Cour de Parlement à Roüen : Hemery Bigot aussi president : Robert le Roux, et Matian de Martimbos Conseillers en icelle, Salut et dilection..
Nous vous auons et les deux de vous en l’absence des autres par nos lettres patentes données à Bloys le vint-deuxième de Mars dernier passé signées de nostre main, commis et deputez pour la reformation et redaction par écrit des Coustumes tant locales que generales de nostre pays de Normandies. mesmement vousdits Bigot estant lors nostre premier aduocat general en nostredite Cour, depuis lequel tems nous vous aurions pourueu audit estat de president. Et dautant que nous auons tousiours voulu et entendu, vour lons et entendons que vous Bigot soyez l’un de ceux qui vacqueront au fait de ladite commission, et que aussi l’un de nos aduocats generaux y assiste pour l’occurrence des cas qui y pourroyent suruenir touchant et. concernant nostre interest : nous auons pour cet effet, choisi et éleu, commis et deputé, commettons et deputons de nostre propre mouuement, certaine science, plaine puissance, et autorité royal, par ces presentes, nostre amé et feal maistre Guillaume Vauquelin nostre promier et ancien aduocat en nostredite Cour, par la promotion de vousdit Bigot a l’estat de president, pour auec celuy ou ceux de vous nos presidens et conseillers qui vaqueront au fait de ladite commission, assister et vaquer par ledit Vauquelin au fait d’icelle, toutainsi que vous Bigot eussiez fait en ladite qualité de nostre premier aduocat en vertu de nosdites lettres de commission à vous addressantes, et comme ledit Vauquelin pareillement eust fait si en icelles il eust esté specialementnommé, commis et deputé. Car tel est nostre plaisir.
Donné à Paris le viut et vnième iour de Féurier, l’an de grace mil cinq soixante dix-huit. Et de nostre regne le quatrième. Signé, Henry.
Et plus bas par le Roy.
Fizes, et séellés sur simple queuë de cire iaune.