EX BIBLIOTHECA
Dominicanorum Venetiis.

• item 1. Codex XII. saeculi, Epistolae Gregorii Nazianzeni, & quaedam Basilii.
• item 2. Codex XIV. saeculi, S. Thomae Aquinatis opera Graece.
• item 3. Codex XI. saeculi membranaceus, Thucydidis historia.
• item 4. Codex bombycinus XIV. saeculi duobus tomis, Suidae lexicon.
• item 5. Thomae cujusdam ad Psaltem Antiochenum de Filio Dei, praeit σκοπὸς τοῦ λόγου.
• item 6. Codex XII. saeculi, Plutarchi vitae, incipientes a Demetrio.
• item 7. Codex XIV. saeculi, Libanii orationes.
• item 8. {479}{479}
  Codex scriptus anno mundi 6792. id est, Christi 1284. in charta bombycina, Georgii Cedreni historiae. Initium: Πολλῶν τὦν πρὸ ἡμῶν φιλοθέων ἀνδρῶν φιλιστόρων.
• item 9. Codex membranaceus XI. saeculi, Aristidis orationes.
• item 10. Codex XV. saeculi, Anonymus de causis & de rebus Philosophicis. Liber nuncupatus Joanni Cornelio Georgii Epiphanis filio, Reginae Cypri Catharinae ἀδελφιδῷ, id est, fratris filio.
• item 11. Codex XIV. saeculi, Apophthegmata Aesopi.
• item 12. Codex XIV. saeculi, Lexicon peramplum, cujus initium, Ἄαπτος ὁ ἀπροσπελίαστος κατὰ τὸ τοῦ ἄπτω ἄπτος. Initio libri haec scribuntur Ιωάννου τοῦ Μοναχοῦ ὡς ἐγὼ νομίζω, id est, Joannes Monachi, ut arbitror.
• item 13. Codex XV. saeculi, Stephanus de urbibus.
• item 14. Codex XV. saeculi, Dionysius Halicarnasseus: in fine hujus & aliorum multorum istius Bibliothecae codicum legitur hoc carmen, aut quid simile:Θεοῦ τὸ δῶρον ἠδὲ Καίσαρος πόνος.Τοῦ στρατηγοῦ.Id est: Dei donum, Caesarisque Strategi opus.
• item 15. Codex Appiani ab eodem Caesare Stratego scriptus.
• item 16. Polybius in cujus fine dicitur eumdem Strategum codicem scripsisse Florentiae. Unde putarim Caesarem Strategum ex numero Graecorum fuisse, qui a Laurentio Mediceo Florentiam evocati sunt, ut codices conscriberent.
• item 17. Diodorus Siculus ejusdem Strategi manu.
• item 18. Pindarus eodem scriba.
• item 19. Dionysius Perihegetes, eodem scriba, qui in codice quodam Lacaedemonius dicitur.
• item 20. Latini pariter codices istic bene multi sunt, sed magna pars scholasticorum sequioris aevi: aliquot tamen bonae notae comparent, videlicet:
• item 21. Guillelmus Pastrengicus de Viris illustribus, erat is Petrarchae Magister, cujus ille frequenter non sine laude meminit. Estque opusculum ut illo aevo perutile, multi scriptores, multique libri non noti ibidem memorantur. Postea vero in quodam Bibliopolio incidi in eumdem Pastrengicum Venetiis cusum anno 1547. At perinde ignotus est etiam Venetiis, ac si nunquam vidisset lucem: ad haec mendis infinitis foedatus, ut vix apta sententia eruatur, hiulcus & lacerus in multis, ita ut operae pretium duxerim, illum ad duos Romanos codices castigatum & auctum Typis iterum dare inter Anecdota.
• item 22. Codex XIII. saeculi, Anonymi opus, cui titulus: Chronica ista compilata est ex Chronica * Damasi Papae & Jeronymi, & Eusebii & Beati Isidori, & ex Chronica Honorii inclusi, & ex historiis Ecclesiasticis & scholasticis, & ex diversis decretis civitatum antiquarum. Et hoc usque ad Fredericum Romanorum Imperatorem. Et dicitur Chronica a Chronos Graece: Vnde Chronica est liber continens temporum descriptiones. Initium: Praesens saeculum distinguitur in duos status: primus status, &c. Desinit historia ad annum Christi 1250. Quod sane Chronicon alicujus pretii videtur. Verum ejus potiundi causa interventu usus R. P. Antonii Cloche Praefecti Generalis Ordinis Dominicanorum, viri multis mihi nominibus observandi, optatum assequi non potui: neque explorare cusumne an ineditum sit.
• item 23. Ambrosii Camaldulensis versio libri Athanasii contra Gentes & de Incarnatione.
• item 24. Chronicon Martini, * Poloni non legitur in codice; nec desunt qui putent hunc Martinum, alium a Polono, cujus initium adferimus. Incipit: Chronica fratris Martini, Domini Papae Capellani & poenitentiarii, de conditione & regimine Romanae urbis, & gestis Summorum Pontificum & Imperatorum.
  Quoniam scire tempora Summorum Pontificum Romanorum ac Imperatorum, necnon & aliorum Patrum suorum contemporaneorum, quam plurimum inter alios Theologis ac Jurisperitis expedit; Ego frater Martinus, Domini Papae Capellanus & Poenitentiarius, ex diversis Chronicis ac gestis Summorum Pontificum & Imperatorum, praesens opusculum per annos Incarnationis Domini ab ipso primo Pontifice Jesu-Christo & ab Octaviano primo Augusto, sive Imperatore, per Pontifices & Imperatores descendendo usque ad Honorium Papam IV. deduxi inclusive in una pagina eo anno Domini, quo creatus quisque fuit, ponendo Imperatores. Et quia tam Pontifices, quam Imperatores Romanae urbis esse dicuntur, idcirco conveniens arbitratus sum, de conditione & statu urbis aliqua praemittere, ut sic de ipsius Pontificibus & Imperatoribus ordinatius possim procedere.
  Compilavi autem praesens opusculum ex scriptis Titi-Livii, item ex Chronicis Orosii.
  Item ex Chronicis Damasci (sic) Papae de gestis Pontificum & Imperatorum.
  Item ex Chronicis Pauli Romani Diaconi Cardinalis, de gestis utrorumque.
  Item ex Chronicis Gilberti, de gestis utrorumque. Item ex Chronicis Richardi Monachi Cluniacensis.
  Item ex Chronicis Gervasii. Item ex Chronicis * Estodii, * alii legunt, Methodii.
  Item ex Chronicis Godefredi Viterbiensis.
  Item ex Chronicis Fratris Vincentii Bellivacensis (sic). Et aliqua accepi ex decreto, & quaedam ex passionibus Sanctorum.
• item 25. Codex sic desinit : Bonifacius VIII. natione Campaniae de civitate Ananiae sedit ann. deficit hic codex. Deinde sequitur catalogus Regum Francorum desinens in Philippum Pulchrum.Haec describere visum est, quia mire variant codices Chronici Martini Poloni, maximeque initio; nam quod superius legitur, usque ad Honorium Papam IV. alii codices ad Clementem IV. alii ad Gregorium IX. alii ad Joannem XXI. Vix itaque potest Martini Chronicon in codicibus quale a primo auctore exaratum fuit deprehendi; nam quivis Amanuensis, ut liquet, ad suam usque aetatem deduxit historiam, atque in prologo nomen Pontificis sui aevi, amoto priore posuit, in serieque non semel dissentiunt codices.
• item 26. Codex XV. saeculi, Joannis Columnae Ordinis Praedicatorum de Viris illustribus usque ad aevum suum, ordine alphabetico: opus non spernendum & luce dignum. Eumdem esse puto Joannem Columnam, qui olim Petrarchae familiaris fuit. Exstant multae Petrarchae ad Joannem Columnam literae. Is ut ibidem fertur ex Ordine Praedicatorum erat, ac demum in Cardinalium numerum evectus est.