In Bibliotheca Chiggia Romae.

• item 1. Codex elegantissimus membranaceus X. Saeculi, in quo Dionysii Halycarnassei historia. In fronte Codicis est Dionysii Halycarnassei Schema coloribus depictum. Singularis est vestitus & galeri forma: an vero haec ex antiquiori codice expressa, an ad usum aetatis illius, qua Calligraphus scripsit, concinnata sint, incertum est. Instrumenta scriptionis sunt, calamus, atramentum, scalpellum temperando calamo, vasculum vitreum ubi cinnabaris ad scribendos titulos & notas. Ubi observes velim usum calami in Schematibus hujusmodi fere semper conspici, usum vero pennae nonnisi in Schematibus infimi aevi deprehendi. Usum vero pennae primus clare memorat Isidorus Hispalensis lib. 6. c. 14. Instrumenta scribae calamus & penna: ex his enim verba paginis infiguntur. Sed calamus arboris est, penna avis, cujus acumen dividitur in duo. Multi putant Juvenalem cum dicit in Satyra 6.Anxia praecipiti venisset Epistola penna.De penna scribendi instrumento loqui, verum id facile intelligatur de Epistola ipsa praecipiti cursu veniente & quasi pennis utente.De instrumentis ad scriptionem nos pluribus egimus in Palaeographia Graeca lib. 1. c. 3. Verum hic repetenda sunt quae Lucas Holstenius manu sua scripta reliquit circa hunc codicem Dionysii Halicarnassei omnium, quos novimus, praestantissimum.« In hoc continentur Dionysii Halicarnassei Alexandri F. de Romana Antiquitate libri decem.Liber primus, pag. 1. liber II. pag. 33. liber III. pag. 60. liber IV. pag. 92. liber V. pag. 123. liber VI. pag. 151. liber VII. pag. 182. liber VIII. pag. 210. liber IX. pag. 274. Finit in undecimo libro exclusive.De hac Romana Antiq. ex XX. libris, quos a Dionysio scriptos fuisse Photius dicit, undecim editi sunt cum reliquis aliis ejusdem tractatibus Rhetoricis, Francofurti apud haeredes Andreae Vechelii Graece & Latine in fol. Historia ipsius habetur in Vaticana Bibliotheca mss. codd. 145. 938. 1000. 1416. 64. 102. 1327. 61. Urbinate codd. 47. 89. In Palatina 66. 277. 132. 58. 134. De verborum collocatione epitome in Palatina cod. 254.Librorum XX. Synopsim scripsit ipse auctor, ut Photius ait, qui dicit in ea solum necessaria exposuisse, eoque naturalem magis fuisse historiam, quam suavem. Notandus iterum est error Bartholomaei Kechermanni, qui in suo de historia opere tres esse scribit, qui acrius in Plutarchum censuram exerceant, eosque inter, esse Principem Dionysium Halicarn. quasi Plutarchus non Trajani demum temporibus floruerit, Dionysius autem vixerit sub Augusto, quemadmodum ex Monumentis Antiquorum, & ex ejusdem Dionysii historia conspici potest.Dionysio huic laudem eam tribuit Scaliger in Animadvers. Eusebianis, quod vera{175}{175}
  cius ea tempora nemo observaverit. Hac quoque parte Livio praefertur, quod & plura & accuratius multa praebeat. Dionysii imago coloribus delineata visitur cum suo habitu sedentis scribentisque; digna equidem quae delineetur & in aere incidatur in publicae rei literariae utilitatem. Codex est antiquissimus ante millesimum annum scriptus diligentissime & correctissime. »Hactenus Lucas Holstenius, cujus optatis fecimus satis circa imaginem Dionysii Halicarn. Vide Palaeographiam Graecam. p. 24.
• item 2. Biblia Graeca in Cod. XII. saeculi Membranaceo.
• item 3. Codex X. saeculi eximiae notae membranaceus, in quo Prophetae omnes majores & minores cum Commentariis Origenis & Hesychii, & Epistolis praefationibusque antiquis.
• item 4. Codex bombycinus alius Prophetas item omnes complectens cum obelis & asteriscis, ac quibusdam Hexaplorum lectionibus ad marginem.
• item 5. Alius codex recens cum multis Hexaplorum lectionibus. Nihil non egi apud Chiggium Principem, ut notarum hujusmodi mihi copia fieret: diuque excubavi in aditum interventu usus hominum clarissimorum; at nunquam exorabilis ille fuit.
• item 6. Acta Apostolorum eleganter scripta, anno mundi, secundum Graecorum computum 6902. id est, Christi 1394. Adsunt item Biblia Hebraïca elegantissime exarata, & Evangelia Armeniace.
• item 7. Officium Majoris hebdomadae, charactere unciali, in codice membranaceo IX. vel X. saeculi.
• item 8. Basilii de Baptismo, cujus initium τοῦ κυρίου ἡμῶν Ιησοοῦ χριστοῦ ἐντολὴν δεδωκότος.
• item 9. Basilii Homiliae in codice X. saeculi membranaceo.
• item 10. Gregorii Nazianzeni Orationes in codice XI. saeculi membranaceo.
• item 11. Ejusdem Epistolae in codice XIV. saeculi bombycino.
• item 12. Ejusdem carmina & alia.
• item 13. Codex varias orationes ex Chrysostomi homiliis excerptas complectens.
• item 14. Theodoreti in Hesaiam codex membranaceus XII. saeculi.
• item 15. Ejusdem codex membranaceus, ubi commentarium in Epistolas Pauli X. saeculi.
• item 16. Vitae Sanctorum in codicibus tribus membranaceis X. vel XI. saeculi.
• item 17. Vitae Sanctorum in mense Maio, in codice membranaceo X. saeculi, cujus laterculum sua manu descripsit Alexander VII. Papa.
• item 18. Quaedam ascetica Joannis Climaci in codice membranaceo XI. saeculi.
• item 19. Pandectes ex variis Patribus consarcinatus in codice XIV. saeculi.
• item 20. Heliae Cretensis in Joannem Climacum, in codice recenti.
• item 21. Joannes ἑλάχιστος. Item Cosmae Logica, in codice XI. saeculi.
• item 22. Nicolai Cabasilae Orationes quaedam.
• item 23. Manuelis Chrysolorae quaedam.
• item 24. Xenophontis Cyropaedia in codice recenti.
• item 25. Libanii orationes & declamationes in codice membranaceo X. saeculi.
• item 26. Proclus in Timaeum Platonis.
• item 27. Plotinus in codice XIV. saeculi.
• item 28. Dionysius Periegetes in codice bombycino XIV. saeculi.
• item 29. Andocides, in codice recenti.
• item 30. Sophocles & Nicander cum Scholiis in codice recenti.
• item 31. Historia a Justiniano ad Ottonem Imperatorem, scripta a quodam Monacho S. Pauli.