AUTRES MANUSCRITS DE LA BIBLIOTHEQUE de S. Germain des Prés, acquis depuis peu.

• item 1. Manuscrit in-8°. sur les Monnoyes, écrit du tems de Louis XI. qui contient bien des choses remarquables, & dont M. le Blanc ne fait point mention, il commence ainsi:S’ensuit instruction du fait de Change tant és Monnoyes d’or comme d’argent.
  • item 1. Premierement.
    • item 1. En ung marc a 8. onces de poids.
    • item 2. En chascune once a 24. deniers.
    • item 3. En chascun denier a 24. grains.
    • item 4. En chascun grain a 24. carobes.
    • item 5. En chascun carobe a 24. milles.
    • item 6. En chascun mille a 24. millaines.
    • item 7. En ung marc a huit-vingts Esterlins. Et chacun esterlin poise 1. denier 4. grains & 4. quins.
    • item 8. En ung marc a neuf-vingts douze deniers pesans.
    • item 9. En ung marc a 16. sols de deniers.
    • item 10. En ung marc a 19. livres 4. sols de deniers.
    • item 11. En ung marc a quatre mille six cens huit grains.
    • item 12. En ung marc a douze deniers de loy, & chascun denier de loy poise 16. deniers pesans de marc.
    • item 13. En ung marc a 24. carats, & chascun carat poise 8. deniers.
    • item 14. Se tu veulx savoir que vault l’once d’or ou d’argent à quelque pris que ce soit le marc, en prendras pour chascune livre que vauldra le marc 2. sols six deniers, & pour chascuns sols ung denier obole. Exemple, se le marc vault 10. livres, l’once vault 25. sols.
    • item 15. Item se tu veulx savoir que vault le denier pesant d’or ou d’argent, à quelque pris que ce soit le marc, tu prendras pour chascune livre que vauldra le marc ung denier poictevinc, & pour chascun solt ung grain & demi. Exemple, se le marc vault 8. livres tournois, le denier vault dix deniers tournois.
    • item 16. Item se tu veulx savoir que vault le grain d’or ou d’argent, à quelque pris que ce soit le marc, en prendras pour chascune livre ung grain quart & dixiesme. Se le marc vault 8. livres, le grain vault dix grains.
    • item 17. Item se tu veulx savoir que vault le carat d’or à quelque pris que ce soit le marc, tu prendras pour chascune livre dix deniers. Exemple, se le marc vault 66. livres, le carat vault 73. sols 4. deniers tournois.
    • item 18. Item se tu veulx savoir que vault le esterlin d’or ou d’argent à quelque prix que ce soit le marc, tu prendras pour chascune livre ung denier obole, & pour chascun sol ung grain trois quarts. Exemple, se le marc vault 12. livres, l’esterlin vault 18. deniers.
    • item 19. Item se tu veulx savoir que vault le denier de loy, à quelque prix que ce soit le marc, tu prendras pour chascune livre 20. deniers tournois, & pour chascun sol ung denier. Et autant de sols comme le marc vault, autant de deniers vault le denier de loy. Et autant de sols comme le marc vault, autant de mailles vault le grain.
    • item 20. Item se tu veulx savoir que vault le grain de loy à quelque prix que ce soit le marc, tu prendras pour chascune livre 20. grains & pour chascun sol un grain. Exemple, se le marc vault 10. livres tournois, le grain de loy vault huit deniers 8. grains tournois.
    • item 21. Se tu veulx savoir combien il y a de loi en une once, quant le marc est à 4. deniers de loi, ou à 5. ou à 6. ou à plus ou à moins, tu prendras pour chascun denier de loy à quoi le marc, sera 3. grains, & pour chascun grain à quoi le marc sera, une huitiéme de grain. Exemple, se le marc est à quatre deniers 12. grains de loy, en l’once y a 13. grains & demi de loy.
    • item 22. Item se tu veulx savoir combien il y a de loy en ung denier pesant, à quelque pris que ce soit le marc, tu prendras pour chascun denier de loy à quoi le marc sera ung huitiéme de grain, & pour chascun grain à quoi le marc sera trois miles, &c.
    • item 23. Se tu veulx savoir combien il y a de loy en une once quand le marc est à quatre deniers de loy, ou à plus ou à moins, tu prendras pour chascun denier de loy 2. deniers pesans. Exemple se le marc est à 4. deniers de loy, ce seront 8. deniers d’argent fin, qui seront en ung, &c.
    • item 24. Item se tu veulx savoir combien il y a d’or {1144}{1144}
      fin en un once quant le marc est à 21. carat, ou à plus ou à moins, tu prendras pour chascun carat, à quoi le marc sera, un denier. Exemple, se le marc est à 21. carat en l’once, a 21. deniers d’or fin, &c.
    • item 25. Item se tu veulx savoir combien il y a d’or fin en ung denier pesant à quelque pris que ce soit le marc, tu prendras pour chascun carat à quoi le marc sera un grain. Exemple, se le marc est à 18. carats en denier, y a 18. grains d’or fin, &c.
    • item 26. Item se tu veulx savoir combien il y a d’or fin en ung grain, à quelque pris que ce soit le marc, tu prendras pour chascun carat une Karobe. Exemple, se le marc est à 16. livres, en grain y a 16. karobes.
    • item 27. Item se tu veulx savoir combien il y a d’or fin en ung marc, qui est à 20. livres ou à 18. ou à 22. ou à plus, ou à moins, tu prendras pour chascun carat 8. deniers, & pour chascun soult deux onces. Exemple, se le marc a 18. carats, prens pour chascun karat 8. deniers, & seront 13. sols, & prens pour chascun soult deux onces. Ainsi se seront 6. d’or fin qu’il y aura en marc d’or à 18. karas. Et sic de aliis, &c.
    • item 28. Item se tu veulx savoir combien il y a d’argent fin en ung marc qui est à 4. deniers de loy, ou à 5. ou à 6. ou à plus, ou à moins, tu prendras pour chascun denier de loy 16. deniers de marc. Exemple, se le marc est à 6. deniers de loy par an, six sous 16. deniers d’argent fin qui valent 8. souls. Prens pour chascun soult deux onces, ainsi ce sont 3. onces qu’il y aura d’argent fin en un marc à 6. deniers de loy.
    • item 29. Item se tu veulx savoir combien il y a d’argent fin en une once à quelque pris que ce soit le marc, tu prendras pour chascun denier de loy 2. deniers d’argent fin. Exemple, se le marc est à 5. deniers de loy, prens pour chascun denier de loy deux deniers de marc. Ainsi se seront 10. deniers d’argent fin, qu’il y aura en une once à 5. deniers le marc.
    • item 30. Item se tu veulx savoir combien il y a d’argent fin en ung denier poisant à quelque pris que ce soit le marc, tu prendras pour chascun denier de loy 2. grains pesans d’argent fin. Exemple, se le marc est à 4. deniers de loy prens pour chascun denier de loy 2. grains d’argent fin. Ainsi se seront 8. grains qu’il y aura en ung denier pesant. Et sic de aliis.
    • item 31. Item qui te demandera à combien est argent le Roi. Il est à onze deniers oboles, & argent fin est à 12. deniers de loy. Et se on te demande comment tu le sces, tu diras qu’il faut prendre pour chascun denier de loy un grain & mettre à part, & à... argent le Roi n’est qu’à 11. deniers & 12. grains.
  • item 2. Qui veult savoir combien le Roi tire de marc d’argent, sequitur.
    • item 1. Se tu veulx savoir combien le Roi tire de marc d’argent, il te faut savoir à combien il est de loy, & pour combien de cours, & aussi la taille. Or prenons que un marc soit à 5. deniers de loy, & de 6. sous 8. deniers de taille, & pour 10. deniers de cours. Tu prendras pour chascun denier à combien elle aura cours autant comme la taille monte; c’est à savoir 6. sous 8. deniers. Or prennons 10. fois 6. sous 8. deniers, qui valent 66. sous 8. deniers tournois, & cette somme est aux 5. deniers de Roi. Or avant que tu aies 12. deniers de Roi, * qu’ils sont en ung marc, il en fault un d’or, prenons pour les 5. deniers de loy 66. sous. 8. deniers comme dessus, ainsi se seront 6. livres 13. sous 4. deniers tournois, qui sont és dix deniers de loy. Or avant que en aiés 12. deniers de loy, il t’en faut 2. Or partissons 66. sous 8. deniers en 5. parts pour ce qu’ils sont és 5. deniers de loy, & se sera en chascune partie 13. sous 4. deniers. Ainsi les deux deniers de loy vallent 66. sous 8. deniers tournois. Or adjouste tout ensemble, & tu trouveras que le Roi tire du marc d’argent 8. livres tournois.
  • item 3. En aultre maniere.
    • item 1. Item se tu veulx savoir combien le Roi tire du marc d’argent, il te convient savoir comme dessus est dit, la taille, la loy & le cours. Or prenons que un marc soit à 4. deniers de loy, & 6. sous 8. deniers de taille, & pour dix deniers de cours. Il te faut adjouster 6. sous 8. deniers tournois quant deniers ce sont, & tu trouveras que ce sont 80. deniers. Et pour chascun denier tu prendras les dix deniers de cours de la monnoye, ainsi 60. grands blancs seront, qui vallent 66. sous 8. deniers tournois, qui sont esdits 4. deniers de loy. Or avant que tu aies 12. deniers il s’en fault 8. deniers, tu doubleras pour les 8. deniers de loy 66. sous 8. deniers tournois, & se seront 6. livres 13. sous 4. deniers tournois. Or adjouste tout ensemble, & tu trouveras que le Roi tire de marc d’argent dix livres tournois.
    • item 2. Item se tu veulx savoir combien le Roi tire de marc d’argent, il te fault savoir comme dessus est dit, la taille, la loy & le cours. Or prens que un marc soit à 8. deniers de loy, & pour 10. deniers de cours tu prendras 7. fois la taille, c’est assavoir les 10. sous tournois, & ce seront 6. livres tournois. Et prens 10. fois 6. livres tournois pour ce que la monnoie est de dix deniers de cours, & ce seront 60. livres tournois. Or parts les 60. livres tournois en 8. parties, pour ce que ladite monnoie est à 8. deniers de loy, & se seront 7. livres 10. sous tournois que le Roi tirera de marc d’argent, & par cette regle, ou par les autres dessus dites, tu sauras combien tirera le Roi de marc d’argent.
  • item 4. La maniere de faire un Deneral.
    • item 1. Item, se tu veulx savoir faire ung Deneral d’or ou d’argent, ou de quelque monnoie que ce soit, blanche ou noire quoi que vaille la piece, tu ne la compteras que pour ung denier tournois, vaille plus, ou vaille moins, & feras qu’elle viegne à 16. sols de taille. Or faisons que ung denier soit de 28. sols de taille pour ce que il passe 26. sous tu prendras 24. sols de maille, qui vallent 12. sols de deniers, & puis compteras 24. sols de grains par quatre fois, qui vaillent 4. sols de deniers. Or adjouste tout ensemble, & tu trouveras qu’il monte 16. sols tournois, & que le {1145}{1145}
      Deneral doit passer seize grains de marc, &c.
  • item 5. En aultre maniere.
    • item 1. Item, se tu veulx savoir faire ung Deneral de quelque monnoye que se soit, comme dessus est dit. Or le faisons de 8. sols de taille, & faisons que viegne à point à 16. sols tournois, tu compteras deux fois 8. sols de deniers, qui vallent 16. sols tournois, & par cette maniere tu sçauras que le Deneral doit poiser deux deniers.
  • item 6. En aultre maniere.
    • item 1. Item, se tu veulx savoir faire ung Deneral. Or le faisons de 6. sols de taille sur 19. livres 4. sols de grains, tu compteras tant de fois, que tu trouveras 19. livres 4 sols. Or est compté 64. fois 6. sols, qui vallent 19. livres 4. sols, & pour ta seureté plusieurs fois prendras un grain & par cette maniere trouveras que le Deneral poise 2. deniers 26. grains.
    • item 2. Se le marc d’argent fin valloit 60. souts & l’en vousist prisier argent qui fust à moins comme auxdits 6. grains, tant à plus comme à moins, prens 60. fois celle somme, c’est assavoir, trois deniers 6. grains, & tu auras en somme 16. sous trois deniers, qui vaudront les trois deniers six grains de Loy. Et de cette exemple retien en cueur & fay les semblables au seur. Et sic de aliis.
    • item 3. Item, qui te demandera ici à 60. marcs d’argent fin & 60. marcs de cuivre, à combien est de loy l’ung parmy l’aultre. Tu adjousteras les 60. marcs d’argent fin & les 60. de cuivre, & tu trouveras qu’il y aura 100. marcs. Or mets les 40. marcs en cent parties pour ce qu’il y a cent marcs, & tiens comme montera chascune partie & fay l’ung parmy l’aultre, c’est assavoir à 4. deniers 19. grains & un quint de grain, &c.
    • item 4. Le Roi fait monnoye à 6. deniers de loy, & pour 10. deniers de cours, & tire 8. livres de marc d’argent, de combien sont ses deniers de taille? Ils sont de 6. sous 8. deniers tournois, &c.
    • item 5. La maniere comment tu le sauras: tu dois regarder que vault le denier de loy, au pris de 8. livres marc d’argent, & tu trouveras qu’il vault 13. sous 4. deniers tournois. Or prens 13. sous 4. deniers tournois par cinq fois, pour ce que la monnoye est à 6. deniers de loy, & tu trouveras que font 80. derniers qui vallent 6. sous 8. deniers tournois. Et par cette maniere tu trouveras que la taille de ladicte monnoye est 6. sous 8. deniers tournois. Et sic de aliis.
    • item 6. Item, se tu veulx savoir que vaut l’escu au prix de 62. marcs d’or, fays ainsy comme cette Ville te montre. Se l’escu vault 30. souts en 64. parties. Et tu trouveras que ce sera en chascune partie 5. deniers tournois & maille pr. Or prens 2. fois 5. deniers tournois .... & ce sera onze deniers peu que s’en faudra, que l’escu ne vaille 30. souts au pris de 62. marcs d’or.
    • item 7. Pour adoulsir l’or, pour 20. marcs d’or prennez une once de salmoniac & deux onces d’arcenic, & en soit faite pouldre bien déliée. Et quand vostre or sera fondu, gettez vostre pouldre dedans & la remouez bien au fonds, & après le gettés dehors, & il sera doux.
    • item 8. Pour donner couleur à or monnoyé, ou à un lingot d’or, prennés deux onces de salmoniac, une once de verdet, une once de sallepestre, vitriol une once & de verdet, & puis meslés bien toutes ces choses ensemble, & en faictes poudre bien delié. Après recuisés bien chault vostre lingot, ou pour telle quantité de pieces d’or, & gettés vostre pouldre dessus & les remouvez très-bien, après les gettés en belle eaue clare & froide, & les lavés très-bien, & ils seront douls & auront bonne couleur.
  • item 7. Raille pour essoier l’or & faire bonne couleur.
    • item 1. Se tu veulx savoir faire une telle couleur, tu dois prendre autant de salmoniac comme de sallepestre: & puis tu dois prendre du vert de gris la cinquiéme partie; & puis tu dois faire chauffer de l’eau, de laquelle eau tu la dois destremper, & dois mesler tout ensemble & faire ung petit chauffer, & puis laisser refroidir, & tu auras bonne couleur, &c.
  • item 8. Raille pour alaier monnoye quelque elle soit.
    • item 1. J’ay 40. marcs de billon à 4. deniers 6. grains de loy & je le vueil alaier à 6. deniers douze grains, & j’ay à 11. deniers six grains 4. marcs. Combien fault-il de celuy à 11. deniers 6. grains pour alaier le billon dessusdit? Il y en fault tout justement 8. marcs 5. onces, 11. esterlins & ung ferlin & par ainsy ton billon sera alaié en la maniere que tu demandes.
    • item 2. Se tu veulx savoir faire une telle somme, tu dois regarder à combien est le billon que tu veulx alaier. Il est à quatre deniers 6. grains que 40. marcs à 4. deniers 6. grains vallent. Ils vallent 14. sous 2. deniers; ainsi ton billon n’est pas alaié, il s’en fault 4. sous deux deniers. Et puis tu dois regarder combien les huit marcs 5. onces 11. esterlins, & un ferlin à 11. deniers 6. grains vallent par-dessus 5. deniers 12. grains: ils vallent 4. sous 2. deniers. Ainsy il lui fault 8. marcs 5. onces 11. esterlins & ung ferlin deux grains à 12. deniers 6. grains de loy.
    • item 3. J’ay 24. marcs de billon à 6. deniers 8. grains, & je le vueil alaier à 9. deniers 12. grains, & j’ay argent à 10. deniers, combien fault-il dudit argent pour alaier ledit billon? Il lui en fault tout justement * 12. marcs.
    • item 4. La maniere: vous devés ainsy faire: saichés combien le vostre billon empire, se le vostre billon est à 6. deniers 8. grains, vous voulés alaier auxdits 12. grains par ainsy. Il empire de chascun marc de 3. deniers 4. grains qui font pour 24. marcs 6. sous 4. deniers tournois. Et tant empirent lesdits 24. marcs. Et l’argent de quoy vous le voulés amender est à 10. deniers de loy * sic ques. Il amende de chascun marc 12. grains. Or faites tant de marcs de 12. grains qu’ils fassent la somme de 61. sout 4. deniers vostre billon empire, qui sont cent cinquante & deux marcs de billon à 10. deniers de loy.
  • item 9. * Rulle pour affiner l’or.
    • item 1. Vous devés estacher vostre or, & quand il sera estaché, si prennés cyment de treulle {1146}{1146}
      & de la meille que vous pourrez trouver & le bastés très-biens & le passés par ung sas, qui soit bien délié, & y mettés les deux parts de seel bien déliés & meslés tout ensemble le mieux que vous pourrez, & prennés une escuelle de terre & la pouldrés de ce cyment & puis aranchés vostre lit sanglé de vostre or, & puis le pouldrés par dessus ainsy tousjours tant que l’escuelle soit toute pleine, & gardés que l’or ne touche à l’escuelle. Et puis prennés l’autre escuelle pareille & l’en couvrez, & puis prennés de la terre rouge, & en couvrés lesdictes escuelles tant qu’elles n’apparoissent point, & puis mettés les en un grand pot sur ung petit trepié, mettés vostre grand pot sur ung grand trepié, & gardés bien que vostre pot ne soit ne trop petit, ne trop grand. Et s’y faut dix ou douze seuls tant que vous panserez qu’il soit fin par advis. Ainsy vous ferés vostre or fin. Et fault qu’il y soit bien 24. heures pour plus ou pour moins, &c.
    • item 2. Le Roi fait monnoye à 4. deniers & 8. grains de loy, & pour 4. deniers de cours, & de 4. sous 6. deniers de taille, combien tire-t-il du marc d’argent? Il en tire tout justement 16. sous 2. deniers, 13. grains.
    • item 3. Se tu veulx savoir faire une telle somme, dois regarder qu’aux deniers de cours, il y a ung denier de loy, & puis tu dois regarder que cinq grains, c’est le tiers du denier de loy. Et puis tu dois partir ces quatre deniers en trois & sont treize tiers. Et puis dois regarder de combien tes deniers sont de cours. Ils sont deniers, quatre deniers tournois de cours: & puis dois gester 4. souts 3. treiziémes pour ce que ledict de loy se départ en trois parties & ce sont douze treiziémes que ledict de loy vault, & puis tu getteras pour chascun denier ce que ils font de taille, & tu sçais que ils sont de 4. sols 6. deniers de taille, &c.
    • item 4. S’ensuit la maniere comment tu cognoistras en quel lieu sont faites les monnoyes tant d’or comme d’argent.
      • item 1. Cremieu a ung point dessoubs le K. de Karolus & dessoubs le X. de XPS vincit.
      • item 2. Romans à ung point dessoubs le A. du Karolus & dessoubs le P de XPS vincit.
      • item 3. Mirabel a ung point dessous le S. de Karolus, & dessoubs le C. XPS vincit.
      • item 4. Montpellier a ung point dessoubs le O. de Karolus, & dessoubs le V. de vincit.
      • item 5. Toulouse a ung point dessoubs le L. de Karolus, & dessous le I. de vincit.
      • item 6. Tours a ung point dessoubs le U. de Karolus, dessoubs le N. de vincit.
      • item 7. Angiers a ung point dessoubs le O. de Karolus, & dessous le N. de vincit.
      • item 8. Poitiers a ung point dessoubs le D. de Dei, & dessoubs le dernier I. de vincit.
      • item 9. La Rochelle a ung point dessoubs l’E de Dei, & dessoubs le X. de XPS regnat.
      • item 10. Limoges a ung point dessoubs le I. de Dei, & dessoubs X. de XPS regnat.
      • item 11. Saint Poursain a un point dessoubs le G. de Gratia, & dessoubs le P. de xps regnat.
      • item 12. Macon a ung point dessoubs le R. de Gratia, & dessoubs le T. de XPS regnat.
      • item 13. Dijon a ung point dessoubs le premier A. de Gratia, & dessoubs le R. de regnat.
      • item 14. Troies a ung point dessoubs le T. de Gratia, & dessoubs le E de regnat.
      • item 15. Rouen a un point dessoubs le I. de Gratia, & dessoubs le G. de regnat.
      • item 16. Tournay a ung point dessoubs le A. de Gratia, & dessoubs le N. de regnat.
      • item 17. Saint-Quentin a ung point dessoubs le F. de Futurorum, & dessoubs le T. de regnat.
      • item 18. Paris a ung point dessoubs le R. de Francorum, & dessoubs le T. de regnat.
      • item 19. Saint-Loup a ung point dessoubs le A. de Francorum, & dessoubs le X. de XPS imperat.
      • item 20. Saint-André a un point dessoubs le N. de Francorum, & dessoubs le P. de XPS imperat.
      • item 21. Bourges a ung B. de cousté la Croix Hospitaliere qui est au commencement des lettres, &c.
      • item 22. Sainte-Mennuel a ung point soubs le C. Francorum & dessoubs S. de XPS Imperat.
      • item 23. Orleans a un O. de cousté ladicte Croix.
      • item 24. Loches à une L. de cousté la dicte Croix.
      • item 25. Lion sur le Rosne à ung trefle juxte ladicte petite croix.
      • item 26. Ville-Franche en Rouergue a une V. juxte laditte petite Croix.
      • item 27. Chinon à ung C. juxte ladicte petite Croix Hospitaliere.
      • item 28. Melung a une M. juxte ladicte petite Croix.
      • item 29. Sens a une petite couronne juxte ladite petite Croix.
      • item 30. Niort en Poitou à une N. juxte ladicte petite Croix Hospitaliere.
      • item 31. Figat* Figeac a une F. juxte ladicte Croix.
      • item 32. Bordeaux a une nef devant le K. de Karolus.
      • item 33. Montevilier a ung point dessoubs R. de Karolus & dessoubs X. de XPS vincit.
  • item 10. La maniere d’alouer billon quel qui y soit.
    • item 1. J’ai 4. onces 17. esterlins d’or, & je le veuil alaier à 19. Karas & demi, combien faut-il de cuivre & d’argent? Il y faut 7. esterlins d’argent & 17. esterlins oboles de cuivre.
  • item 11. La maniere de faire une telle somme.
    • item 1. Se tu veulx faire une telle somme, il te fault getter combien il y a à dire de l’or à 24. Karas à celui de 19. & demi. Il y a à dire 4. caras & demi, qui font une once 10. esterlins de cuivre. Pour 4. onces esterlins, 2. caras & demi, tu trouveras * 5. onces 17. esterlins oboles de cuivre & d’argent, le tiers de 17. esterlins oboles. Et est la somme faicte bien justement.
    • item 2. J’ay 7. marcs 3. onces à 23. caras, & je le vueil alaier à 19. caras & demi, combien faut-il de la loy dessus dicte? Il lui en fault ung marc 13. esterlins, & ung ferlin. Et pour marc une once 6. esterlins & 3. ferlins.
    • item 3. J’ay 24. marcs 3. onces 10. esterlins d’or, qui est à 22. karas: & je le vueil alaier à 20. caras & demi. Combien faut-il de cuivre & d’argent? Il en faut ung marc, 6. onces, &c.
    • item 4. Item se tu veulx savoir faire ung aviron tu dois faire par ceste maniere: tu mettras billon {1147}{1147}
      à la monnoye, & fay ung aviron, qui soit à deux deniers 12. grains ou à plus, ou à moins, tu feras somme de tant de marcs comme il y aura, selon ce que l’Essaieur te rapportera. Il sera argent fin. Et compteras au Maistre de la Monnoye pour chascun denier de loy à quoi passera ton billon, ung grain, & à l’aventure croistra de ung denier & toujours croistra le denier de ung grain.
    • item 5. Pour faire cyment bien bref, prenés ung quartier alung & ung quartier coperose & en faites poudre, & puis prenés une livre de cyment, & meslés tout ensemble. Et puis faites un lit de cyment & ung lit dur, & mettés dedans une escuelle de terre tant qu’elle soit pleine, & ung pot qui ne soit pas trop grant, ne trop petit, & ainsy ferés vostre cyment bien bref.
  • item 12. S’ensuit plusieurs Monnoies de France de plusieurs Lois, & premierement:
    • item 1. Gros de France où il y a ung escript Ludovicus, sont à onze deniers 9. grains de loy, & sy en y a 11. deniers ung grain, & en y a à 11. deniers 12. grains de loy.
    • item 2. Gros de France où il y a en escript Karolus sont à 11. deniers quatre grains de loy.
    • item 3. Gros de France où il y a en escript Philippus. Ceulx qui ont les bois de la croix tirée à val hors du compas sont à 6. deniers de loy.
    • item 4. Ceux qui n’ont point la Croix tirée à val sont à onze deniers de loy.
    • item 5. Blans qui ont d’ung cousté une grand fleur de lis, & de l’autre cousté quatre petites, sont à 4. deniers de loy.
    • item 6. Blans qui ont d’ung cousté une grand Couronne, & dedans la Croix deux petites fleurs de lis, & ont en escript, Francorum Rex, sont à 4. deniers de loy.
    • item 7. Blans qui ont le compas de la pille plein de fleurs de lis & devers la Croix 4. petites Couronnes, sont à quatre deniers de loy.
    • item 8. Paresis noirs qui ont en escript la lettre de forme en deux rangs, sont à trois deniers de loy.
    • item 9. Doubles tournois à trois fleurs de lis sont à 2. deniers six grains de loy.
    • item 10. Petits tournois à 2. fleurs de lis sont à deux deniers de loy.
    • item 11. Paresis petits, qui courent à present, qui ont un escript au milieu de la pille Fran de lettre de forme, sont à un denier 18. grains de loy.
    • item 12. Blans qui ont un K. Couronné entre deux fleurs de lis, les meilleures sont 4. deniers 18. grains, les aultres sont à trois deniers de loy.
    • item 13. Paresis petits pesés sont à 4. deniers 12. grains de loy.
    • item 14. Gros tournois sont à 3. deniers de loy.
    • item 15. Blans qui ont au milieu du compas de la pille Francorum Rex, & en la Croix y à 2. mollets sont à 4. deniers de loy.
    • item 16. Blans qui ont au milieu du Compas de la pille en escript de lettre de forme Franc & une Couronne sur ladicte lettre, sont à 4. deniers 12. grains.
    • item 17. Blans où il y a dedans la pille ung Chasteau & une Croix dessus, & ont en escript, Francorum Rex, sont à 12. deniers de loy.
    • item 18. Patis doré où il y a une grand fleur de lis & à la Croix quatre petites fleurs de lis. Ceux qui n’ont ne O. aux coustés de la grand fleur de lis sont à 4. deniers de loy.
    • item 19. Ceulx qui ont ung point de chascun cousté de la fleur de lis sont à 4. deniers 8. grains de loy.
    • item 20. Ceulx qui ont le O. au lieu du point sont à 5. deniers de loy.
    • item 21. Mailles de Philippes sont à 6. deniers de loy.
    • item 22. Les secondes qui ont ung point emprés le S. de cours sont à trois deniers 8. grains de loy.
    • item 23. Les tierces qui ont deulx points aux deux boutz du baston de la Croix, qui va au travers sont à 2. deniers douze grains de loy.
    • item 24. Blans qui ont trois fleurs de lis & une Couronne dessus, & ont os aux bouts de la lettre, & points dedans les ous (os), sont à trois deniers de loy.
    • item 25. Et en y a qui ont en lieu des ous des points, & sont à 2. deniers 16. grains de loy.
    • item 26. Et en y a qui ont des os & sont sans point, & sont à 2. deniers 12. grains de loy.
    • item 27. Blans de Philippes qui ont ung Chasteau, une Croix & ont aussi la grand Croix, sont à 4. deniers de loy.
    • item 28. Les seconds qui n’ont nuls points sont à 4. deniers 5. grains de loy.
    • item 29. Les tiers qui ont les fleurs de lis en lieu de la Croix sont à 4. deniers de loy.
    • item 30. Les quarts qui ont ladicte fleur de lis entre 2. points sont à 4. deniers de loy.
    • item 31. Blans qui ont à la Croix trois fleurs de lis, & ung lion qui passe aval & ont un escript à la pille Francorum, & est ledit lion Couronné, & ont des rosettes entre Dei gratia, sont à 4. deniers de loy.
    • item 32. Les seconds qui ont os en lieu de rosettes sont à 3. deniers de loy.
    • item 33. Ceulx qui ont losanges au lieu d’os sont à 2. deniers 12. grains de loy.
    • item 34. Blanc où il y a un escript Joannes Dei gratia Francorum Rex, & ont entre Dei & gratia, ung grand O sont à 2. deniers 12. grains de loy.
    • item 35. Les seconds qui ont au commencement & à la fin de ladicte lettre un point, en losange en lieu de o, sont à 2. deniers de loy.
    • item 36. Les tiers qui ont os en lieu de point & un point en losange sont à un denier 12. grains de loy.
    • item 37. Blancs qui ont un Chasteau & une Croix dessus sont à 4. deniers 12. grains.
    • item 38. Ceulx qui ont la Croix entre deux points sont à 4. deniers de loy.
    • item 39. Blancs où il y a ung escu à trois fleurs de lis, & ont en escript Karolus Dei gratia Francorum Rex, qui ont les os longs, sont à 6. deniers de loy.
    • item 40. Ceulx qui ont les os ronds & sont sinés soubs l’une des batres d’ung point tout plein, sont à 6. deniers 12. grains.
    • item 41. Tournois pelés de Ludovicus sont à 11. deniers 18. grains de loy.
    • item 42. Tournois pelés de Philippes qui ont trois points dedans le Chasteau sont à 3. deniers 18. grains de loy.
    • item 43. Les seconds qui n’ont nuls points sont à 4. deniers 8. grains de loy.
    • item 44. Et en y a de Bretagne de Philippes & sont {1148}{1148}
      à un denier dix-neuf grains de loy.
    • item 45. Blancs do Philippes, qui ont en la pille une Couronne & en la Croix trois fleurs de lis, & ung bot de la Croix tirée à val, & fut la Croix partie, sont à trois deniers de loy.
    • item 46. Les seconds qui ont aux deux coustés de la Couronne trois os, sont à deux deniers & deux grains de loy.
    • item 47. Les tiers qui ont ung o sur la Couronne & 2. points aux deux des bastons de la Croix, sont à deux deniers six grains de loy.
    • item 48. Blancs de Philippes là où il y a en escript en la pille, Francorum, & est la Croix avec fleurs de lis, & le bout va où il n’y a point de fleur de lis & est tiré aval sont 4. deniers 12. grains de loy.
    • item 49. Les seconds qui ont la Croix partie sont 4. deniers 8. grains de loy.
    • item 50. Les tiers qui n’ont point la Croix partie & le bout de la Croix touche, & a sur la lettre de Francorum une fleur de lis, & sont 4. deniers 17. grains de loy.
    • item 51. Les quarts qui ont la Croix de quatre fleurs de lis & ont sur Francorum une Couronne, sont quatre deniers de loy.
    • item 52. Et en y a qui ont en escript Philippus, & ont deux points aux deux coustés du baston de la Croix qui va aval, & sont 3. deniers 18. grains de loy.
    • item 53. Les seconds qui n’ont nuls points sont à 2. deniers de loy.
    • item 54. Les tiers qui ont treffles en lieu de deux points sont à deux deniers de loy.
    • item 55. Blancs qui ont à la pille une fleurs de lis, & à la Croix un 4. fleurs de lis sont à deux deniers de loy.
    • item 56. Les segons qui n’ont à la Croix que 3. fleurs de lis, & l’autre bout où il n’a point de fleurs de lis tiré aval, sont 3. deniers 16. grains de loy.
    • item 57. Gros de Franc qui ont 3. fleurs de lis en ung compas ront & une Croix à Paris, sont à 11. deniers 16. grains de loy.
    • item 58. Gros de France qui ont du cousté de la pille ung petit compas ront, où il y a trois fleurs de lis & une couronne dessus, & par dessus à un escript, Grossus Turonus. Et par dessus celle escripture ung aultre compas ront environné de fleurs de lis. Et de l’aultre cousté une petite Croix en brief compas ront, & par dessus escript Karolus Francorum Rex, & par dessus celle escripture ung aultre compasront, & par dessus escript, Sit nomen Domini benedictum, & sont appellez lesdits gros Cabochiens, & sont à neuf deniers de loy à 5. grains le Roi.
  • item 13. S’ensuit la Monnoie de Flandres & de Brebant.
    • item 1. Vataions de Flandres à la feuille de Percil sont à 8. deniers de loy.
    • item 2. Ceulx qui ont 2. points entre les mots de l’escripture sont à 6. deniers 12. grains de loy.
    • item 3. Et en y a qui ont les es longs & sont à 6. deniers de loy.
    • item 4. Gros de Flandres à l’angle, sont à 8. deniers de loy.
    • item 5. Les seconds qui ont les es rons, sont à 7. deniers de loy.
    • item 6. Les tiers qui ont l’ung long & l’aultre ront, sont à 6. deniers 12. grains de loy.
    • item 7. Les quarts qui ont ung point emprés la pétite Croix, sont à 6. deniers de loy.
    • item 8. Gros de Flandres où il y a deux estoiles en l’ung à ung lion, & en l’aultre les armes de Bourgogne, sont à 5. deniers de loy.
    • item 9. Les seconds qui ont dedans la croix 2. aigles & 2. lions, & les bors de la croix passent aval sont à 5. deniers.
    • item 10. Gros de Flandres qui ont en la pille ung aigle, qui a soubs ses piés deux estoiles en l’ung & ung lion, & en l’aultre les armes de Bourgogne, & ont en escript Philippus Dux Burgundiae & Comes Flandriae, sont à 6. deniers de loy.
    • item 11. Gros de Flandres, où il y a en la pille ung lion, & de l’aultre cousté les armes de Bourgogne, sont à 5. deniers 12. grains.
    • item 12. Ceulx qui sont plus petits sont à 5. deniers de loi.
    • item 13. Gros de Flandres qui ont en la pille ung lion rampant, & emprés la tête du petit lion ung petit escu aux armes de Bourgogne, & a un escript autour du lion, Moneta Flandriae, sont à 5. deniers 12. grains de loy.
    • item 14. Gros de Hollande où il y a ung escu aux armes de Bourgogne, & en escript, Albertus Dux & Comes Hollandiae, sont à 5. deniers de loy.
    • item 15. Deniers de Henault où il y a d’ung cousté une chose quarrée & * escarbellée de lions & de losanges, & y a en escript Albertus Dei gratia... sont à 6. deniers.
    • item 16. Blancs qui ont d’ung cousté ung aigle qui tient ung escu aux armes de Henault, sont à 4. deniers de loy.
    • item 17. Blancs qui ont d’ung cousté un grand lion, auquel pant au col ung escu aux armes de Henault, sont à 5. deniers 12. grains de loy.
    • item 18. Blancs où il y a ung lion qui tient ung escu aux armes de Henault, sont à 5. deniers de loy.
    • item 19. Gros de Breban où il y a d’ung costé ung escu & ung lion, & de l’aultre cousté 2. escus, l’ung à 4. lions & l’aultre aux armes de Bourgogne, sont à 5. deniers.
    • item 20. Gros de Breban, où il y a devers la pille un leopard, & y a escript autour, Moneta Brebantis, sont à 5. deniers de loy, argent le Roy, & toutes les Monnoyes dessusdites sont à argent le Roy pareillement.
  • item 14. S’ensuit la difference de la Monnoye qui avoit cours l’an 1416.
    • item 1. Il fut ordonné de faire grans blancs de 10. deniers tournois la piece, de 6. souts 8. deniers de taille à 6. deniers de loy, & pour difference devers la croix 2. fleurs de lys, & 2. petites couronnes entre les bastons de ladite croix, & devers la pille 3. fleurs de lys en ung escu, & tous le ous longs, & de donner pour marc d’argent 6. livres 2. souts tournois.
    • item 2. Item fut ordonné de faire aultres grans blancs de 10. deniers tournois la piece à 6. deniers 12. grains de loy argent le Roy, & 6. souts 8. deniers de taille, semblables à ceux que l’on faisoit paravant, excepté qu’ils ont les ous rons au lieu de longs, & ont ung point clos dessoubs une des lettres, qui est {1149}{1149}
      entour dudit blanc, & de donner de marc d’argent 6. livres 6. souts tournois.
    • item 3. Item fut ordonné de faire petits blancs de 6. deniers tournois la piece à 6. deniers de loi, argent le Roi, & de 13. souts 4. deniers de poix. Et pour difference devers la croix une fleur de lys & une petite couronne. Et devers la pille trois fleurs de lys en ung escu & un point clos dessoubs une des lettres qui est entour dudict blanc, & ont tous les os, longs comme lesdits grands.
    • item 4. Item autres petits blancs de 6. deniers tournois la piece, à 5. deniers 12. grains de loy, argent le Roy, & de 13. souts 4. deniers de poix, semblables à ceulx que l’en faisoit paravant, excepté qu’ils ont les os rons.
    • item 5. Item fut ordonné de faire grans blancs de 10. deniers tournois la piece à 5. deniers de loy, argent le Roy, & de 6. souts 8. deniers de poix, & pour difference des dessusdits ung point ouvert dessoubs une des lettres, qui est entour dudit blanc & les os rons comme les dessusdicts, & de donner de marc d’argent 6. livres 15. souts tournois.
    • item 6. Item fut ordonné de faire petis de 6. deniers tournois la piece à 5. deniers de loy, & de 13. souts 4. deniers de poix, & pour difference ung point ouvert comme es grans blans dessoubs la premiere des lettres.
  • item 15. L’an 1417.
    • item 1. Item fut ordonné de faire grans blancs de 10. deniers tournois la piece, à 4. deniers de loy argent le Roy, & de 6. souts 8. deniers de poix, semblables à ceulx que l’en faisoit paravant, excepté qu’il y a pour difference ung point clos au-dessus des fleurs de lys, qui sont en l’escu & dedans la croix clos, aultre point clos au bout d’ung des bastons de ladite croix, & la petite croix qui est au commencement des lettres, & hospitaliere de cette maniere ☩
    • item 2. Item fut ordonné de faire blancs de 10. tournois la piece à 3. deniers de loy, argent le Roi, & de 6. souts 8. deniers de taille & de forme comme les precedens, excepté qu’il y a pour difference ung point clos au-dessus des fleurs de lys qui sont en l’escu, & au bout de l’escu en bas ung autre point clos, & dedans la croix 2. points à deux bouts des bastons de ladicte croix, c’est assavoir à chascun ung point.
    • item 3. Item fut ordonné de faire blancs de 10. deniers tournois la piece à 2. deniers 16. grains de loy, argent le Roy, & de 6. souts 8. deniers de poix, & pour difference des dessusditcts une croix enbastonnée en ceste maniere.
    • item 4. Item fut ordonné de faire grans blancs de 10. deniers tournois la piece à 2. deniers 5. grains de loy, argent le Roy, & 6. souts 8. deniers de poix. Et pour difference des dessusdits ung point entre les fleurs qui sont en l’escu.
    • item 5. Item en fut fait qui ont ung point clos dessoubs une des fleurs de lys, qui sont entre bastons de la grand’ croix, & sont à 2. deniers 16. grains de loy.
    • item 6. Item en fut contrefait de Mâcon & Vesont, qui a 1. denier 12. grains de loy & de 8. souts de poix, & ont ung point ouvert au-dessus des fleurs de lys qui sont en l’escu, & au bout d’ung des bastons de la croix.
    • item 7. Item eu fut fait ung en Bourgogne qui ont en escript Philippus, & sont à 6. deniers de loy, argent le Roy.
    • item 8. Et en y a d’autres de Bourgogne, qui ont en escript Philippus, qui sont à 5. souts 12. grains de loy argent le Roy, & n’y a point de point dessoubs une des lettres.
    • item 9. Item ceulx qui ont ung point emprés le bout de l’escusson, & dessoubs aucunes lettres sont à 5. deniers de loy argent, &c.
    • item 10. Item ceux qui ont ung point dessoubs l’escusson & n’en ont point dessoubs aucune des lettres, sont à 4. deniers de loy argent le Roy.
    • item 11. Item ceulx qui ont deux points, l’ung dessoubs l’escu & l’aultre dessoubs aucune des lettres, sont à 3. deniers de loy, argent le Roy.
    • item 12. Blancs de Bretaigne qui ont 9. ermines devers la pille sont à 6. deniers 12. grains de loy, argent le Roy.
    • item 13. Et aussi en y a des petits blancs qui n’ont que 5. ermines, & sont à 6. deniers 12. grains de loy, argent le Roy.
    • item 14. Item en y a de grans qui n’ont que 7. ermines, & de petis qui n’ont que 4. ermines, & sont à 6. deniers de loi, argent le Roi.
    • item 15. Et en y a qui n’ont que 6. ermines devers la pille, & sont à 4. deniers de loy, &c.
    • item 16. Item fut fait de doubles qui ont devers la pille 3. fleurs de lys, & devers la croix à chascun bout du baston de ladite croix (ainsi) & sont à 2. deniers 12. grains de loy, argent le Roi, & ont les ous longs.
    • item 17. Et ceulx qui ont les os rons sont à 2. deniers 8. grains de loy, argent le Roy.
    • item 18. Et en y a d’aultres qui ont ung point dedans les ous, & sont à 2. deniers de loy.
    • item 19. Et aussi en y a de Bretaigne qui ont les ermines en lieu des fleurs de lys, qui sont à 2. deniers 12. grains de loy, argent le Roy.
    • item 20. Item le 24. jour de Juing l’an dessusdict 1417. fut ordonné de faire gros de 20. deniers tournois la piece à 8. deniers de loy, argent le Roy, & de 6. souts 8. deniers de poix. Et pour difference 3. fleurs de lys en ung compas ront, & une grande couronne dessus, & devers la croix 4. fleurs de lys à quatre bors de ladite croix, & au commencement des lettres une croix hospitaliere, & de donner de marc d’argent 8. livres tournois.Ce Manuscrit donne ensuite l’état & les changemens des Monnoyes des années 1418. 1419. 1420. 1421. 1422. 1423. 1426. 1427. 1428. 1429. 1431. 1435. 1436. Il finit par 1475.